Memorien uyt de Beschrijvinge der stadt Dordrecht
Pagina 1  2  3  4  5  6  7  8  9  10  11  12  13  14  15  16  17  18  19  20  21  22  23  24  25  26  27  28  29  30  31

wel begeert zijn; bevinde even-wel dat de weygering van vele het volgende doen maken heeft in't jaer 1472.
Alsoo dickwils gebeurt, dat eenige die gekoren worden tot het Burgemeesterscap, Tresorierscap, off tot andere der Stede diensten, ende bysonder die gekoren worden om der Stede reysen te doen, ende vander Stede wegen te vervolgen tot gemeenen oirbaer ende profijt der Stede voirseyt, dat sy daer in onwilligh zijn, ende en willen noch Burghmeyster of Tresorier wesen, of andere der Stede diensten niet voeren, of oick vander voirsz. Stede wegen niet reysen, waer by die Stede grotelicken veraftert mocht worden, ende veel verdriets ende ongeneuchten of geboeren mocht, des van groten node is te voirhueden: Soo is hier op in't jaer 1472. op den twintighsten dagh in Februario, By den Schout, Burghmeyster, Schepenen, en Raiden, Out-Raidt, by den goeden Luyden van den Achten, ende by den gemeenen Dekens van de gemeene neringen, Eendrachtelick verdragen, gesloten, ende in koere geleyt, Dat soe wie tot eenigen tijde wittelick gekoren wort totter Burghmeysterscap, totter Tresorierscap, ofte tot eenige der Stede Diensten, of Offiçien, of oick totter Stede Reysen, Ende hy des weygerde, of niet wesen, of doen en wilde, dat hy alsdan gehouden zal wesen, terstont in ghyzell te gaen, boven opter Zale, ende aldaer een jaer lang in de ghyzelinge te blijven, ende daeren teynde noch te betalen totter Stede behoef twee roeden mueren, of voir elcke roede te betalen 53. Burgoensche schilden. Ende die mueren alsdan te betalen, of binnen daeghs licht te verborgen, of daer voir uyt der Stede te gaen, ende te blijven totter tijt toe, dat hy 't wel verborcht zal hebben. Ende dit wort bevolen inder Stede register te teyckenen.
De Schout, (eertijts Richter genoemt) als komende van wegen

Woordenlijst